Loading...
Bizkaiko Lurralde Historikoko gobernua da Foru Aldundia, izan ere, Euskal Autonomia Erkidegoko erakunde nagusietako bat. Burua Ahaldun Nagusia da (2015eko uztailaren 1az gero kargua Unai Rementeriak betetzen du) eta funtzioen sorta zabala gauzatzen du, hala nola, zergak biltzea, hirigintza, errepideak eta herri lanak, ingurumena, kultura ondarea edo gizarte ongizatea. Foru Aldundiak lurraldeko bide eta errepideak, obra publikoak, kultura ondarea eta ingurugiroa kudeatzen ditu, besteak beste. Aldundiaren misioa ekonomiaren hazkuntza bultzatzea da, lanpostuak sor ditzaketen erabakiak hartzea erraztuz.
Bilboko udaletxeko erakunde bat da, hiriko ekonomia eta gizarte aberastasuna bultzatzen dituena. Bilbo enpresen eraketa, inbertsio edota hazkunderako leku erakargarria izatea sustatzen du, lan aukerak handituz. Hiriaren nazioarteko posizionamenduan eta inpultsu ekonomikoan lehena izatea nahi du. Horretarako inguruko enpresen hazkuntza errazten du, merkatuetarako sarbide berriak eta hazkundea erraztuz, tokiko ekonomiaren garapena bultzatuz, honek hiriko bizitzaren kalitatea bermatzen duelarik. Turismorako eta aktibitate ekonomikorako erreferentzia internazionala izateko ekitaldiak sustatzen ditu.
Hi-Sports lasterketatako motozikleten prestaketaz eta aholkularitzaz arduratzen den enpresa da. Motoen doiketak ere egiten ditu, motorrak erabilera puntu optimoan jarriz. Horretaz gain, motoak, arropa, kaskoak eta bestelako osagaiak saltzen ditu.
Ingeniaritza Mekanikoko Departamentua UPV/EHU-ko handienetakoa da, 140 langile dituelarik klaseak ematen zazpi zentrotan, hiru kanpusetan. Hainbat esparrutako irakaskuntza eta ikerketako arduraduna da, besteak beste diseinu eta fabrikazio mekanikoa, materialak eta egiturak eta industria eraikuntza. Bere misioa ikasleak espezialitate honetan prestatzea da, hauek ikasketak amaitzerakoan ingeniari lana egiteko beharrezko konpetentziak izan behar dituztelarik. Departamentua inguruko industriarekin konprometituta dago, eta honi esker enpresekin proiektu bateratuak egiten ditu, hauekin loturak sendotuz eta ezagutza trukerako aukerak sortuz. Honen emaitza izan dira ikerketa lerro asko, bere horretan Doktoretza Tesiak ekarri dituztenak Doktoretza Programaren barruan, Bikaintasun Aipamena lortuz.
Makina eta Motore Termikoen Departamentua UPV/EHU-ren parte da eta ondorengo esparruetako irakaskuntzaren eta ikerketaren arduraduna da: termodinamika, beroaren transmisioa, motore termikoak eta teknologia energetikoa. Departamentuan garatutako ikerketa lana anitza da, gure ezagutza esparru den Makina eta Motore Termikoak bezala, non hainbat eremu batzen diren, hala nola termodinamika, termoteknia, barne errekuntzako motorrak eta instalazio termikoak. Departamentuan egiten den lanaren helburua garapen jasangarrirako baliagarriak diren efizientzia energetikoko proposamenak egitea da.
Teknologia Elektronikoaren Departamentua UPV/EHU-ren parte da, eta ondorengo esparruetako irakaskuntzaz eta ikerketaz arduratzen da: sistema elektronikoen espezialitatea, instrumentazio birtuala eta proiektuen garapena, zirkuitu elektroniko aurreratuen diseinu eta simulazioa, energia eraldaketarako sistema elektronikoak, mikroelektronika eta sistema txertatuak. Bere ikerketa lerroetan ikasleak, doktoregaiak eta bekadunak prestatzen dira.
Promoto Yamaharen Bizkaiko kontzesionario nagusia da. Horretaz gain, lasterketatako motoen prestaketaz, doiketaz eta aholkularitzaz arduratzen da.